SA FACEBOOK KO NALANG IKAW PARAY'GAN
ni Michael Cinches Lagura
Sama sa nagbagang sanga
Nga kanunay mo paso ning kasingkasing
Tungod sa gibati ingon man sa hukal
Nga bisan tunlon
Mo pugos ug gulwa, mo kagingking.
Pinakapinan pa ug pagsiyap sa facebook,
Kada buntag kung sa pitaka duna pa’y matilok
Apan kung wala, pamahaw pakyason
Arun lang gyud makita maanyag mong larawan
Ug pakli-on daghan pang nagapanugsog mong pahiyom-
Usahay pinatak-om, pinahilom o pinatabon
Apan naga sidlak gihapon, traynta kapin ka ngipon!
Lupig pa ang Bibliya, kay hulagway mo memorize ko na.
Nan notification sa imong profile, palihug lili-a
Kay wan handrid ka request, hapit na mangalata
Sa pagpanghinaut nga unta, bisan sa makadyot
Irogon mo lang, arun ako masayod nga imo kining gi basa.
Ambot ug ngano, nga dili ko man mapamatud-an
Ang pagbati nga usahay maka butod sa akong tiyan.
Sa atong panagtagbo matag adlaw,
Kompiyansa kalit usapon ko man
Dili masulti kay magsalig lagi
“Duna bitaw’y facebook, sa wall post ibu-bo ang tanan.”
Busa ako mapasalamaton
Ning higala kong masaligon
Kay bisan unsa’ng pamulong, dili ako pakasad-on
Tanan kong kasakit gidawat niya-
Mga kapakyasan, kahiagum
Ug ang uban wa pa'y nada.
Salamat Facebook, kay dili mo ibisto
Kon usahay siya mag duda “Kinsa kining tawhana?”
Nga sa iyang wall sige man ug pangumusta.
Ug dili lang ang photo album,
Hasta ang calendar of events, gi monitor na.
Siguro dinhi na lamang taman,
Bisan kadjut, kasakit sa kasingkasing ma ubsan.
Kay siya damgo na lamang
Sama sa artista,
Sa facebook nalang kanunay’ng paraygan.
–––––––––––––––––
"I am an AB English Major and currently affiliated, as a resident artist, to the Integrated Performing Arts Guild (IPAG) of the MSU-IIT. I joggle my stints with the artistic, literary, religious and academic proportions nevertheless, a little bit on the social aspect since I take delight in grand solitude. In any manner, I enjoy sharing pieces of my personal insights in life through Literature and so, let me always be remembered as "someone who doesn't want to be remembered", lest as a person who appears by how his works had had made him be."
-Michael Cinches Lagura (Lapdus Laguto)
